អធិការដ្ឋាននគរបាលខណ្ឌមានជ័យ ឃាត់ខ្លួនជនសង្ស័យ ០១នាក់ ពាក់ព័ន្ធករណីលួច យកម៉ូតូ ០១គ្រឿង…
ភ្នំពេញ ៖ នៅថ្ងៃទី២៤ ខែឧសភា ឆ្នាំ២០២៣ វេលាម៉ោង ១៥:០០នាទី កម្លាំងប៉ុស្តិ៍នគរបាលស្ទឹងមានជ័យទី២ សហការជាមួយកម្លាំងផ្នែកនគរបាលយុត្តធម៌ នៃអធិការដ្ឋាននគរបាលខណ្ឌមានជ័យ បានធ្វើការស្រាវជ្រាវឃាត់ខ្លួនបានជនសង្ស័យ ០១នាក់ឈ្មោះ សេន មហាម៉ាត់កាលី ហៅ វ៉ុង ភេទប្រុស អាយុ ២៦ឆ្នាំ នៅចំណុចផ្លូវលំ ភូមិព្រែកទាល់១ សង្កាត់ស្ទឹង
មានជ័យទី២ ខណ្ឌមានជ័យ រាជធានីភ្នំពេញ ពាក់ព័ន្ធករណីអំពើលួច (យកម៉ូតូ ០១គ្រឿង) ដែលបានប្រព្រឹត្តនៅចំណុចផ្ទះ៤៤០ ផ្លូវលំ ភូមិដំណាក់ធំ៤ សង្កាត់ស្ទឹងមានជ័យទី២ ខណ្ឌមានជ័យ រាជធានីភ្នំពេញ កាលពីថ្ងៃទី២៣ ខែឧសភា ឆ្នាំ២០២៣ វេលាម៉ោង ១៣:៥០នាទី ។
-ជនរងគ្រោះឈ្មោះ ប៊ុត សុផាន់ណារី ភេទស្រី អាយុ ២៤ឆ្នាំ ស្នាក់នៅផ្ទះ៤៤០ ផ្លូវលំ ភូមិដំណាក់ធំ៤ សង្កាត់ស្ទឹងមានជ័យទី២ ខណ្ឌមានជ័យ រាជធានីភ្នំពេញ មុខរបរ បុគ្គលិកក្រុមហ៊ុន ។
១.ជនសង្ស័យឈ្មោះ សេន មហាម៉ាត់កាលី ហៅ វ៉ុង ភេទប្រុស អាយុ ២៦ឆ្នាំ ស្នាក់នៅភូមិដំណាក់ធំ សង្កាត់ស្ទឹងមានជ័យទី២ខណ្ឌមានជ័យ មុខរបរ ពិតប្រាកដ (ឃាត់ខ្លួនមានផ្ទុកសារធាតុញៀន)
វត្ថុតាងចាប់យក : ម៉ូតមួយគ្រឿងម៉ាក់ Zoomer ពណ៌បៃតង ឆ្នាំ២០១៦ ពាក់ស្លាកលេខ ភ្នំពេញ ១FT-៣០០២(បានប្រគល់ជូនជនរងគ្រោះវិញ) ។
-បច្ចុប្បន្នជនសង្ស័យខាងលើ កំពុងឃាត់ខ្លួននៅអធិការដ្ឋាននគរបាលខណ្ឌមានជ័យ ដើម្បីកសាងសំណុំរឿងចាត់តាមនីតិវិធី ៕
