ទីក្រុងប៉េកាំង អំពាវនាវរកសន្តិភាព ការលើកកម្ពស់សន្ទនា និងដំណោះស្រាយវិបត្តិនៅអ៊ុយក្រែន…
បើតាមភ្នាក់ងារសារព័ត៌មាន AFP ចេញផ្សាយកាលពីថ្ងៃទី២៧ ខែកុម្ភៈ ឆ្នាំ២០២៣នេះ ឱ្យដឹងថា លោកស្រី Mao Ning បានប្រាប់សន្និសីទសារព័ត៌មាន នៅទីក្រុងប៉េកាំង ថា ខ្លឹមសារសំខាន់ គឺការអំពាវនាវ ដើម្បីស្វែងរកសន្តិភាព លើកកម្ពស់ការសន្ទនា និងលើកកម្ពស់ដំណោះស្រាយ នយោបាយ ចំពោះវិបត្តិនៅអ៊ុយក្រែន។
នេះជាប្រធានបទស្របគ្នាទៅនឹងកាលពីថ្ងៃចន្ទម្សិលមិញ អ្នកនាំពាក្យក្រសួងការបរទេសចិន បាននិយាយថា ខ្លួនជំរុញឱ្យមានកិច្ចសន្ទនា និងដំណោះស្រាយ ដោយសន្តិវិធីសម្រាប់វិបត្តិអ៊ុយក្រែន បើទោះបីជាមានការព្រមានពីសហរដ្ឋអាមេរិកថា ទីក្រុងប៉េកាំង អាចពិចារណាការផ្គត់ផ្គង់អាវុធ ដល់សម្ព័ន្ធមិត្តរបស់ខ្លួនគឺ រុស្ស៊ីក៏ដោយ។
តាំងតែពីយូរមកហើយ ចិន បានប្រកាសសម្ព័ន្ធភាព «គ្មានព្រំដែន» ជាមួយរុស្ស៊ី, ប៉ុន្តែ មិនយូរប៉ុន្មាន មុនពេលការលុកលុយកាលពីមួយឆ្នាំមុន បានបដិសេធការថ្កោលទោស ការវាយប្រហារនេះ ហើយកាលពីសប្តាហ៍មុនបានចេញផ្សាយផែនការ ១២ចំណុច ដែលអំពាវនាវឱ្យមានបទឈប់បាញ់ និងការបន្ថយបន្តិចម្តងៗ ដោយភាគីទាំងពីរ។
ក្រុងកៀវ បាន ឆ្លើយតបដោយ ទទួល យក ទិដ្ឋភាព មួយ ចំនួន នៃ ផែនការ ខណៈ ដែល បាន សង្កត់ ធ្ងន់ ថា គ្មាន សន្តិភាព ទេ បើ គ្មាន ការ ដក ខ្លួន ទាំងស្រុង របស់ រុស្ស៊ី ។
ប្រធានាធិបតីអ៊ុយក្រែន លោក Volodymyr Zelensky បាននិយាយនៅក្នុងការបង្ហោះនៅលើកម្មវិធីផ្ញើសារ Telegram ថា «ខ្ញុំពិតជាចង់ឱ្យមានជ័យជម្នះកើតឡើងនៅឆ្នាំនេះ, ហើយសម្រាប់រឿងនេះ យើងមានអ្វីគ្រប់យ៉ាង ការលើកទឹកចិត្ត ទំនុកចិត្ត មិត្តភក្តិ និងការទូត សម្រាប់ទប់ទល់នឹងរុស្ស៊ី៕
