កាត់ទោសបក្សពួកជួញដូរគ្រឿងញៀនជិត៥០គីឡូក្រាមក្នុងចំណោមជនជាប់ចោទទាំងនោះក៏មានជនជាតិបរទេសផងដែរ….
ភ្នំពេញ ៖ ចៅក្រមជំនុំជម្រះសាលាដំបូងរាជធានីភ្នំពេញ លោក ហុក ពៅ ប្រធានក្រុមប្រឹក្សា នៅព្រឹកកាត់ទោសបក្សពួកជួញដូរគ្រឿងញៀនជិត៥០គីឡូក្រាមក្នុងចំណោមជនជាប់ចោទទាំងនោះក៏មានជនជាតិបរទេសផងដែរ….ថ្ងៃទី៥ខែមករាឆ្នាំ២០២៣ បានបើកសវនាការជំនុំជម្រះលើជនជាប់ចោទខ្មែរ វៀតណាម ថៃ ១១នាក់ ពីបទ. រក្សាទុក ដឹកជញ្ជូន និងជួញដូរដោយខុសច្បាប់នូវសារធាតុញៀនជាង ៤៤គីឡូ ពេលបញ្ចប់សវនាការសួរដេញដោលចប់សព្វគ្រប់លោកចៅក្រមប្រធានក្រុមប្រឹក្សាបានសម្រេចកំណត់យកព្រឹកថ្ងៃទី១៤ ខែកុម្ភៈឆ្នាំ២០២៣ ខាងមុខដើម្បីប្រកាសសាលក្រម។
ជនជាប់ចោទទាំង១១នាក់ដែលត្រូវកាត់ទោស៖
១. ឈ្មោះ សុខ ទឹង ភេទប្រុស អាយុ ៣៩ឆ្នាំ ជនជាតិ ខ្មែរ ។
២.ឈ្មោះ សុខ គន្ធា ភេទស្រី អាយុ ៣៧ឆ្នាំ ជនជាតិ ខ្មែរ ។
៣.ឈ្មោះ ហេង សគុណ ភេទប្រុសអាយុ៤៣ឆ្នាំ ជនជាតិខ្មែរ ។
៤.ឈ្មោះ តឿនសារុំ ភេទប្រុស អាយុ ៤១ឆ្នាំ ជនជាតិ ខ្មែរ ។
៥.ឈ្មោះ ម៉ុត សុផុន ភេទប្រុស អាយុ ៣២ឆ្នាំ ជនជាតិ ខ្មែរ ។
៦.ឈ្មោះ WEERAPHAT HUN-GRATHANAPONGSORN ភេទប្រុស អាយុ ៣៨ឆ្នាំ ជនជាតិ ថៃ ។៧.ឈ្មោះ សេង ឡាទី ភេទប្រុស អាយុ ៣៥ឆ្នាំ ជនជាតិ ខ្មែរ ។
៨.ឈ្មោះ សិត វិសាល ភេទប្រុស អាយុ ២៦ឆ្នាំ ជនជាតិ ខ្មែរ ។
៩.ឈ្មោះ ឆេង ឡាយ ភេទប្រុស អាយុ ២៦ឆ្នាំ ជនជាតិ ខ្មែរ ។
១០.ឈ្មោះ SONGWAT BAU-SRI ភេទប្រុស អាយុ ៣០ឆ្នាំ ជនជាតិ ថៃ ។
១១.ឈ្មោះ LAM HONG PHUNG ភេទប្រុស អាយុ ២៨ឆ្នាំ ជនជាតិ វៀតណាម ។
កាលពីថ្ងៃទី១៣ ដល់១៥ ខែ កក្កដា ឆ្នាំ២០២២ កម្លាំងជំនាញ(ក១) នៃមន្ទីរប្រឆាំងគ្រឿងញៀន ដឹកនាំដោយ លោក ឧត្ដមសេនីយ៍ទោ អ៊ិន សុង.លោក វរសេនីយ៍ទោ ពុធ ស៊ុនរស្មី នាយករងមន្ទីរ និងមានការចូលរួមពីកម្លាំងជំនាញនៃស្នងការដ្ឋាននគរបាលរាជាធានីភ្នំពេញ ខេត្តបន្ទាយមានជ័យ ព្រមទាំងមានការដឹកនាំសម្របសម្រួលពីលោក វង្ស សាវ៉ាត ព្រះរាជអជ្ញារងនៃអយ្យការអមសាលាដំបូងរាជធានីភ្នំពេញ. លោក សំរិទ្ធ សុខុន ព្រះរាជអជ្ញារងនៃអយ្យការអមសាលាដំបូងខេត្តបន្ទាយមានជ័យ បានធ្វើការស៊ើបអង្កេត ស្រាវជ្រាវ បង្ក្រាបករណី រក្សាទុក ជួញដូរដោយខុសច្បាប់នូវសារធាតុញៀនចំនួន០៥គោលដៅផ្សេងគ្នាជាបន្តបន្ទាប់ ៖
គោលដៅទី១.នៅចំណុច សួនច្បារមាត់ទន្លេមុខវំាង ផ្លូវព្រះស៊ីសុវត្ថិ ស្ថិតក្នុង សង្កាត់ជ័យជំនះ ខណ្ឌដូនពេញ រាជធានីភ្នំពេញ ឃាត់ខ្លួនជនសង្ស័យ១នាក់ និងចាប់យកសារធាតុញៀនប្រមាណ១គីឡូ ក្រាម។
គោលដៅទី២.នៅចំណុច ខុនដូឃ្វីន បន្ទប់ជួលលេខ៦០២ជាន់ទី៦ ផ្លូវលេខ៣០៨ ស្ថិតក្នុងភូមិ៥ សង្កាត់ទន្លេបាសាក់ ខណ្ឌចំការមន រាជធានីភ្នំពេញ ឃាត់ខ្លួនជនសង្ស័យ១នាក់ និងចាប់យកសារធាតុញៀនប្រមាណ ជាង៣គីឡូក្រាម។
ទីតាំងទី៣.បានបន្តពន្លាតដែនដីទៅខេត្តបន្ទាយមានជ័យ នៅចំណុច មុខសណ្ឋាគារហាក់ហួត២ ស្ថិតក្នុងភូមិសាមគ្គីមានជ័យ សង្កាត់អូរជ្រៅ ក្រុងប៉ោយប៉ែត ខេត្តបន្ទាយមានជ័យ ឃាត់ខ្លួនជនសង្ស័យ០៣នាក់ និងចាប់យកសារធាតុញៀន ២០កញ្ចប់ធំ ប្រមាណ២០គីឡូក្រាម ។
ទីតាំងទី៤.នៅចំណុច ផ្ទះ៨០៣ ស្ថិតក្នុងភូមិសាមគ្គីមានជ័យ សង្កាត់អូរជ្រៅ ក្រុងប៉ោយប៉ែត ខេត្តបន្ទាយមានជ័យ ឃាត់ខ្លួនជនសង្ស័យ០១នាក់និងដកហូតថ្នាំញៀន០៣កញ្ចប់ធំ ប្រមាណ៣គីឡូក្រាម
។
ទីតាំងទី៥.នៅចំណុច ខ្ទមចំការស្ថិតក្នុងភូមិគីឡូម៉ែត្រលេខ៤ សង្កាត់ផ្សារកណ្តាល ក្រុងប៉ោយប៉ែត ខេត្តបន្ទាយមានជ័យ ឃាត់ខ្លួនជនសង្ស័យ ៤នាក់និងដកហូតថ្នាំញៀន២០កញ្ចប់ធំ ប្រមាណ២០គីឡូក្រាម និងលទ្ធផលឃាត់ខ្លួនជនសង្ស័យ១១ នាក់ ។
ប្រតិបត្តិការនោះសមត្តកិច្ចបានចាប់យកវត្ថុតាងគ្រឿងញៀន ៖
១.សារធាតុញៀនប្រភេទ.កេតាមីន.(KETAMIN)ទម្ងន់សុទ្ធ ១គីឡូនិង៩៥២ក្រាម ។
២.សារធាតុញៀនប្រភេទ.មេតំហ្វេតាមីន.(ICE)ទម្ងន់សុទ្ធ៤២ គីឡូ និង៨៥៨ក្រាម ។
៣.សារធាតុញៀនប្រភេទ.អ៊ិចស្តាស៊ី(MDMA)ទម្ងន់សុទ្ធ១០៦ ក្រាម ។
សរុបសារធាតុញៀនទាំងអស់មានទម្ងន់ ៤៤គីឡូ និង៩១៦ ក្រាម ៕
ប្រភព ( មករា )
