បុរសម្នាក់បើករថយន្ត Camry បុករថយន្ត Range Rover ពីក្រោយ បណ្ដាលរងការខូចខាតតែ មិនមានអ្នករងរបួសនោះទេ …
ភ្នំពេញ៖ ករណីគ្រោះថ្នាក់ចរាចរណ៍បុរសម្នាក់បើករថយន្ត Camryបានបុករថយន្ត Range Rover ពីក្រោយបណ្ដាលរងការខូចខាត អ្នកបើកបរមិនមានរងរបួសនោះទេ ។ហេតុការណ៍នេះកើតឡើងកាលពីវេលាម៉ោង៩:១០នាទីយប់ថ្ងៃទី២៣ ខែឧសភា ឆ្នាំ២០២៣ ស្ថិតតាមបណ្ដោយផ្លូវលេខ៧០ សង្កាត់ស្រះចក ខណ្ឌដូនពេញ រាជធានីភ្នំពេញ ។
រថយន្ត បង្ករម៉ាក Camry ពណ៌ទឹកប្រាក់ ពាក់ស្លាកលេខ ភព2 ឃ 8694បើកបរដោយបុរសម្នាក់ (បានរួញផ្នែកខាងមុខ )ចំណែករថយន្តត្រូវគេបុកពីក្រោយម៉ាក Range Rover ពណ៌ ខ្មៅ ពាក់ស្លាកលេខភ្នំពេញ 2AR-1459 ។
ក្រោយកើតហេតុសមត្ថកិច្ចជំនាញចរាចរណ៍ផ្លូវគោកនៃស្នងការដ្ឋាននគរបាលរាជធានីភ្នំពេញធ្វើការយករថយន្តទាំងពីរទៅរក្សាទុកដើម្បីរងចាំដោះស្រាយនៅពេលក្រោយ។
