គ្រោះថ្នាក់ចរាចរណ៍រវាងរថយន្តសណ្ដោងដឹកប្រេងឥន្ធនៈ បុក រ៉ឺម៉កម៉ូតូពីក្រោយបណ្តាលអោយស្លា_ប់៤នាក់និង៨នាក់ទៀតរងរបួស….
ខេត្តកំពង់ឆ្នាំង ៖ កាលពីវេលាម៉ោង៤និង៣០នាទីទៀបភ្លឺថ្ងៃទី៣ ខែឧសភា ឆ្នាំ២០២៣ ហេតុការណ៍គ្រោះថ្នាក់ចរាចរណ៍រវាងរថយន្តសណ្ដោងបុ.ករ៉ឺម៉កម៉ូតូពីក្រោយបង្ករអោយមនុស្ស៤នាក់បានស្លា_ប់នៅនឹងកន្លែងចំណែក៨នាក់ទៀតរងរបួសធ្ងន់និងស្រាល នៅលើកំណាត់ផ្លូវជាតិលេខ៥ ចន្លោះគីឡូម៉ែត្រលេខ៤០និងលេខ៤១ ស្ថិតនៅក្នុងភូមិជន្លាត់ដៃ ឃុំស្វាយស្រុកសាមគ្គីមានជ័យ ខេត្តកំពង់ឆ្នាំង ។
ជនរងគ្រោះចំនួន៤នាក់បានបា_ត់ប_ង់ជីវិ_តភ្លាមៗនៅនឹងកន្លែងកើតហេតុ និង៨នាក់ទៀតដែលរងរបួសធ្ងន់-ស្រាល មិនទាន់ស្គាល់អត្តសញ្ញាណនៅឡើយទេ គ្រាន់តែដឹងថាពួកគាត់ជាអ្នកលក់ក្រឡាន ។
តាមប្រភពពីសមត្ថកិច្ចនគរបាលបានឲ្យដឹងថា នៅមុនពេលកើតហេតុ ជនរងគ្រោះទាំង១២នាក់ ដែលមានពីលំនៅភូមិបឹងកក់ ឃុំលង្វែកស្រុកកំពង់ត្រឡាច បានជិះរ៉ឺមកម៉ូតូមួយគ្រឿង ដើម្បីយកក្រឡានទៅលក់ដូចសព្វដង ។ លុះមកដល់ចំណុចកើតហេតុខាងលើ ស្រាប់តែមានរថយន្តមួយគ្រឿងម៉ាកហ៊ីយ៉ាន់ដា ពណ៌ស ពាក់ស្លាកលេខ ភ្នំពេញ 3G-2103 សណ្ដោងរ៉ឺម៉ក ពណ៌ខៀវ ពាក់ស្លាកលេខភ្នំពេញ 4B-2068 ធ្វើដំណើរពីជើងទៅត្បូង ហើយក៏បានបុកនឹងរ៉ឺម៉កម៉ូតូជនរងគ្រោះពីក្រោយយ៉ាងពេញទំហឹង បណ្ដាលឲ្យមនុស្ស៤នាក់ស្លា_ប់ភ្លាមៗនៅនឹងកន្លែងកើតហេតុ ចំណែក៨នាក់ផ្សេងទៀតបានរងរបួសធ្ងន់ និងស្រាល ។
បន្ទាប់ពីកើតហេតុ អ្នកបើកបររថយន្តបានរត់គេចខ្លួនបាត់ ។
សមត្ថកិច្ចបានចុះទៅពិនិត្យ និងធ្វើវាស់វែងនៅកន្លែងកើតហេតុ ហើយបាន ប្រគល់ស_ពជូនក្រុមគ្រួសារ ដើម្បីធ្វើបុណ្យតាមប្រពៃណី ។ ចំណែកអ្នករងរបួស ត្រូវបានបញ្ជូនទៅសង្គ្រោះនៅមន្ទីរពេទ្យ។ ដោយឡែករថយន្តបង្កនិងរ៉ឺម៉កម៉ូតូត្រូវបានសមត្ថកិច្ចយកទៅរក្សាទុកដើម្បីរង់ចាំការដោះស្រាយតាមនីតិវិធី ។
