មុនចូលឆ្នាំចេញឆក់មួយជើង តែមិនបានសម្រេចត្រូវកម្លាំងនាយកដ្ឋាននគរបាលព្រហ្មទណ្ឌ ធ្វេីការបង្ក្រាបបានភ្លាមៗ…

 

 

ភ្នំពេញ ៖ នៅថ្ងៃទី០៦ ខែមេសា ឆ្នាំ២០២៤ វេលាម៉ោង​២២:២០នាទី​ កម្លាំងជំនាញការិយាល័យព្រហ្មទណ្ឌកម្រិតធ្ងន់​ បានចុះល្បាតតាមបណ្តោយផ្លូវ​លេខ៥២៨ ក្នុងសង្កាត់បឹងកក់ទី១​ ខណ្ឌទួលគោក រាជធានី​ភ្នំពេញ​ ប្រទះឃេីញជនសង្ស័យ​​ ជិះម៉ូតូចំនួន០២គ្រឿង មានគ្នាចំនួន០៤នាក់ បានធ្វេីសកម្មភាព​ឆក់​ទូរស័ព្ទដៃពីបុរសរងគ្រោះ (ជាជនជាតិអង់គ្លេស)​ ដែលកំពុងជិះកង់បីឥណ្ឌាតែមិនបានសម្រេច។

ភ្លាម​នោះកម្លាំងជំ​នាញ​ការិយាល័យធ្វេីការប្រដេញ និង ឃាត់ខ្លួនជនសង្ស័យបានទាំង០៤នាក់ នៅចំណុចស្តុបចូលបឹងកក់​ ផ្លូវលេខ៧០ ក្នុងសង្កាត់ស្រះចក ខណ្ឌដូនពេញ រាជធានីភ្នំពេញ ។

ជនសង្ស័យទាំង០៤នាក់មាន ៖

១. ឈ្មោះ​ ទី​ ឃាងហុង ភេទប្រុស អាយុ១៨ឆ្នាំ មុខរបរមិនពិតប្រាកដ ទីកន្លែងស្នាក់នៅផ្ទះមិនចាំ​ ផ្លូវជាតិ6A សង្កាត់ជ្រោយចង្វារ ខណ្ឌជ្រោយចង្វារ រាជធានីភ្នំពេញ(អ្នកបេីក)

២. ឈ្មោះ​ មុំ​ ចិត្រា ភេទប្រុស អាយុ១៥ឆ្នាំ មុខរបរមិនពិតប្រាដក​ ទីកន្លែងស្នាក់នៅផ្ទះជួល​ ផ្លូវលេខ៩៣ សង្កាត់ទួលសង្កែទី១ ខណ្ឌឫស្សីកែវ រាជធានីភ្នំពេញ (ជនដៃដល់)

៣ .ឈ្មោះ​ មុំ​ សំណាង ភេទប្រុស អាយុ១៧ឆ្នាំ មុខរបរសិស្ស ទីកន្លែងស្នាក់នៅផ្ទះលេខ១៦១ ផ្លូវលេខ៨០ សង្កាត់ស្រះចក ខណ្ឌដូនពេញ​ រាជធានីភ្នំពេញ (បិទគូទ)

៤. ឈ្មោះ​ ឌីណូ​ មុនិណុល ភេទប្រុស អាយុ១៦ឆ្នាំ មុខរបរសិស្ស ទីកន្លែងស្នាក់នៅផ្ទះ៩២អា ផ្លូវលេខ៨៦ សង្កាត់ស្រះចក ខណ្ឌដូនពេញ រាជធានីភ្នំពេញ (បិទគូទ)។

+សម្ភារដកហូតមាន៖

-ម៉ូតូម៉ាកស៊ុយស៊ូគី​ និច​ ពណ៌សលាយខៀវ ពាក់ស្លាក​លេខ​ ភ្នំពេញ​ 1IZ-3234 (របស់ជនសង្ស័យ) និងម៉ូតូម៉ាកហុងដាឌ្រីមពណ៌ខ្មៅ ពាក់ស្លាក​លេខ​ ភ្នំពេញ​ 1KM-0661 (របស់ជនសង្ស័យ)។

បច្ចុប្បន្ន​កម្លាំងជំនាញបាននាំជនសង្ស័យខាងលេីមកនាយកដ្ឋាននគរបាលព្រហ្មទណ្ឌ​ ដេីម្បីធ្វេីការសាកសួរ​ និងកសាងសំណុំរឿងបញ្ជូនទៅអយ្យការអមសាលាដំបូងរាជធានីភ្នំពេញ ចាត់ការតាមនីតិវិធី៕