កម្លាំងកងរាជអាវុធហត្ថឃាត់ខ្លួនជនសង្ស័យចំនួន០៣នាក់ពាក់ព័ន្ធករណីលួចម៉ូតូ០១គ្រឿងនៅស្រុកកំពង់ត្រាច …
ខេត្តកំពត៖ ដោយមានការចង្អុលបង្ហាញ និងអនុវត្តតាមបទបញ្ជារលោកឧត្ដមសេនីយ៍ត្រី មេបញ្ជាការ កងរាជអាវុធហត្ថខេត្តកំពត ។ ក្រោយពីទទួលពាក្យបណ្ដឹងពីជនរងគ្រោះឈ្មោះ ទី មឿន ភេទប្រុស អាយុ៦២ឆ្នាំ មុខរបរកសិករ រស់នៅភូមិថ្កូវ ឃុំឫស្សីស្រុកខាងលិច ស្រុកកំពង់ត្រាច ខេត្តកំពត
កាលពីវេលាម៉ោង១១:១០នាទី ថ្ងៃទី២៧ ខែមីនា ឆ្នាំ២០២៤មានករណីចោរលួចម៉ូតូនៅចំណុច ភូមិថ្កូវ ឃុំឫស្សីស្រុកខាងលិច ស្រុកកំពង់ត្រាច ខេត្តកំពត។ កម្លាំងការិយាល័យព្រហ្មទណ្ឌ នៃមន្ទីរស្រាវជ្រាវ និងបង្រ្កាបបទល្មើសកងរាជអាវុធហត្ថខេត្តកំពត សហការ
ជាមួយកម្លាំងមូលដ្ឋានកងរាជអាវុធហត្ថស្រុកកំពង់ត្រាច បានចុះស្រាវជ្រាវនិងធ្វើការឃាត់ខ្លួនជនសង្ស័យបានចំនួន០១នាក់ នៅយប់ថ្ងៃទី២៧ ខែមីនា ឆ្នាំ២០២៤ ឈ្មោះ យ៉ុន គោ ភេទប្រុស អាយុ១៧ឆ្នាំ មុខរបរមិនពិតប្រាកដ រស់នៅភូមិថ្កូវ ឃុំឫស្សីស្រុកខាងលិច ស្រុកកំពង់ត្រាច ខេត្តកំពត ព្រមទាំងវត្ថុតាង(ម៉ូតូ១គ្រឿង)។ លុះនៅថ្ងៃទី២៨ ខែមីនា ឆ្នាំ២០២៤ កម្លាំងជំនាញបានបន្តឃាត់ខ្លួនបានជនសង្ស័យចំនួន០២នាក់ទៀត៖
១. ឈ្មោះ គុំ ភាឡី ហៅសីហា ភេទប្រុស អាយុ១៤ ឆ្នាំ មុខរបរមិនពិតប្រាកដ មានទីនៅលំនៅភូមិអន្ងង់ថ្ងាន់ ឃុំឬស្សីស្រុកខាងកើត ស្រុកកំពង់ត្រាចខេត្តកំពត នៅចំណុចភូមិអូរលួស ឃុំដំណាក់កន្ទួតខាងត្បូង ស្រុកកំពង់ត្រាច ខេត្តកំពត។
២. ឈ្មោះ នួន ចាន់ធឿង ភេទប្រុស អាយុ២០ឆ្នាំ មានទីលំនៅភូមិអូរលួស ឃុំដំណាក់កន្ទួតខាងត្បូង ស្រុកកំពង់ត្រាច ខេត្តកំពត នៅចំណុចភូមិពងទឹក ឃុំពងទឹក ស្រុកដំណាក់ចង្អើរ ខេត្តកែប។
បច្ចុប្បន្ន ជនសង្ស័យនិងវត្ថុតាងត្រូវបានឃាត់ខ្លួន
នៅបញ្ជាការដ្ឋានកងរាជអាវុធហត្ថខេត្តកំពតដើម្បីបន្តនីតិវិធី។
#គេហទំព័រព័ត៌មានស្រលាញ់យុត្តិធម៌
