នគរបាលខណ្ឌដង្កោបង្ហាញមុខក្រុមក្មេងទំនើងរហ័យនាមD4 (ឆ្កែ៤) ពាក់ព័ន្ធករណីចូលកាប់ម៉ូតូរបស់ប្រជាពលរដ្ឋនៅសង្កាត់ព្រៃស…

ភ្នំពេញ ÷ នៅព្រឹកថ្ងៃទី១៧ ខែធ្នូ. ឆ្នាំ២០២៤នេះកម្លាំងនគរបាល ខណ្ឌដង្កោ. ដឹកនាំដោយលោកវរៈសេនីយ៍ឯកជឹម ស៊ីថា អធិកាតនគរបាលខណ្ឌដង្កោ និងមានការចូលរួមពីលោក វរសេនីយ៍ឯក សំ វិច្ឆិកា. អ្នកនាំពាក្យរបស់ស្នងការនគរបាលរាជធានីភ្នំពេញ. បានធ្វើការបង្ហាញមុខក្រុមក្មេងទំនើងរហ័សនាម. D4. (ឆ្កែ៤) ចំនួន៧នាក់ ដែលកម្លាំងជំនាញនគរបាលព្រហ្មទណ្ឌនគរបាលខណ្ឌដង្កោ. សហការណ៍ជាមួយកម្លាំងនគរបាលប៉ុស្តិនគរបាលសង្កាត់ព្រៃស ស្រាវជ្រាវ ត្រឹមតែរយះពេល១០ម៉ោងប៉ុណ្ណោះបានស្រាវជ្រាវមុខសញ្ញានិងឃាត់ខ្លួនបានជាបន្តបន្ទាប់ ក្រោយពេលធ្វើសកម្មភាពចូលទៅកាប់ម៉ូតូជនរងគ្រោះរងការខូចខាតចំនួន២គ្រឿងនៅសង្កាត់ព្រៃស. ខណ្ឌដង្កោ. កាលពីយប់. ថ្ងៃអាទិត្យទី១៥. ខែធ្នូ ឆ្នាំ២០២៤. ។

ក្រោយពេលធ្វើការឃាត់ខ្លួនជនសង្ស័យដែលជាក្រុមក្មេងទំនើងចំនួន៧នាក់. សមត្ថកិច្ចបានដកហូតវត្ថុតាង. រួមមាន. កាំបិតបុ័ងតោចំនួន១ និងម៉ូតូចំនួន៣គ្រឿងដែលជាមធ្យោបាយរបស់ពួកគេជិះសម្រាប់ធ្វើសកម្មភាព។

ដោយមានការអនុញ្ញាតិពីលោកឧត្តមសេនីយ៍ឯក ជួន ណារិន្ទ. អគ្គស្នងការរងនិងជាស្នងការនគរបាលរាជធានីភ្នំពេញ. បានអនុញ្ញាតិ ឲ្យលោកវរសេនីយ៍ឯកជឹម. ស៊ីថា អធិការនគរបាលខណ្ឌដង្កោ. ធ្វើការសន្និសិទ្ធសារព័ត៍មានបង្ហាញមុខក្រុមជនសង្ស័យទាំង៧នាក់ខាងលើមុនពេលបញ្ជូនទៅកាន់តុលាការចាត់ការតាមនិតិវិធី៕

ឆ្លៀតក្នុងពេលនោះដែរលោកវរសនេីយ៍ឯក. សំ វិច្ឆិកា. អ្នកនាំពាក្យ ស្នងការនគរបាលរាជធានីភ្នំពេញ. ក៏បានសុំធ្វើការអំពាវនាវដល់យុវជនយុវតីដ៏ទៃទៀតសូមបញ្ឈប់ជាបន្ទាន់នៃការប្រមូលផ្តុំបង្កើតក្រុមបងតូចបងធំបង្កហិង្សា និងអុកឡុកក្នុងរាជធានីភ្នំពេញ. និងសូមឲ្យអណាព្យាបាលជួយតាមដាននិងអប់រំកូនចៅឲ្យបានល្អ. បើពុំដូច្នោះសមត្ថកិច្ចនិងអនុវត្តតាមផ្លូវច្បាប់យ៉ាងដាច់ខាតដោយគ្មានការលើកលែងនោះឡើយ៕